عجبى عليك يا ابن ادم يا كبير الدار
قومت الدنيا وما قعدت لما قالو حمار
هو اسمى شتيمة ولا جنسى عار
خلقنى ربى وخلقك ولا حدش لة خيار
وانا مهما زاد فوقى صابر على المشوار
لا فى يوم اقول اشمعنى اخويا واخد منة تار
ولا يوم ابص لرزق غيرى واطق منة واغار
ولا ارفع عينى على جارتى واصون الجار
ولا مهر ادفع لحمارتى ولا شبكة وسوار
ولا شقة اجمع فى تمنها ولا اجهز دار
ولا حرمى حامل تتوحم عايزة الكافيا
ر ولا بنت تخرج عن طوعى وتجيب العار
ولا ابن يدمن ويهلوس ويقع ينهار عايش فى حالى متهنى ولية افكار
باكل وبشرب وانهق ومافيش اسرار
وعند ابن ادم يخدمنى ليل ونهار
ان جعت يشترى برسيمى باغلى الاسعار
وفى مرضى يفضل يعالجنى ويدعى الستار
خادم امين من غير راتب ولا حتى ايجار
والحين عرفت يا ابن ادم
مين فينا الحمار؟؟؟؟